NAFASI ZA KAZI: Halmashauri ya Wilaya ya Kyela Yatangaza Nafasi 08 (Dereva na Mwandishi Mwendesha Ofisi)
Halmashauri ya Wilaya ya Kyela, kupitia kwa Mkurugenzi Mtendaji, imetangaza nafasi za kazi nane (08) kwa Watanzania wenye sifa baada ya kupata kibali kutoka Ofisi ya Rais, Menejimenti ya Utumishi wa Umma na Utawala Bora. Tangazo hili limetolewa rasmi tarehe 20 Februari, 2026.
Kama wewe ni kijana mtafuta fursa, hii ni nafasi yako ya kujiunga na utumishi wa umma katika wilaya ya Kyela, mkoani Mbeya.
Nafasi Zinazohitajika:
1. Dereva Daraja la II (Nafasi 06)
Sifa za Mwombaji:
-
Awe na Elimu ya Kidato cha Nne.
-
Awe na Leseni ya Daraja la C au E ya uendeshaji magari.
-
Awe na uzoefu wa kazi kwa muda usiopungua mwaka mmoja bila kusababisha ajali.
-
Awe amehudhuria mafunzo ya msingi ya uendeshaji magari (Basic Driving Course) kutoka VETA au chuo kingine kinachotambuliwa na Serikali.
-
Mshahara: Ngazi ya mshahara ni TGS B.
2. Mwandishi Mwendesha Ofisi Daraja la II (Nafasi 02)
Sifa za Mwombaji:
-
Awe na Elimu ya Kidato cha Nne.
-
Awe na Stashahada (NTA Level 6) ya Uhazili (Secretarial Studies) kutoka chuo kinachotambuliwa na Serikali.
-
Awe amefaulu somo la Hatimkato (Shorthand) ya Kiswahili na Kiingereza maneno 80 kwa dakika moja.
-
Awe na ujuzi wa programu za kompyuta (Word, Excel, PowerPoint, Internet, E-mail, na Publisher).
-
Mshahara: Ngazi ya mshahara ni TGS C.
Masharti ya Jumla kwa Waombaji:
-
Mwombaji lazima awe Raia wa Tanzania.
-
Umri: Kati ya miaka 18 na 45.
-
Waombaji wenye ulemavu wanahamasishwa kuomba na wanapaswa kuainisha aina ya ulemavu wao kwenye mfumo.
-
Barua ya maombi iandikwe kwa Kiswahili au Kiingereza.
Jinsi ya Kutuma Maombi:
Maombi yote yanapaswa kutumwa kupitia mfumo wa kielektroniki wa Ajira (Recruitment Portal). Hakikisha unaambatisha barua ya maombi iliyosainiwa pamoja na vyeti vyote vya elimu.
Mwisho wa kupokea maombi ni Ijumaa, tarehe 05 Machi, 2026.
Pakua Tangazo Kamili (PDF)
Ili kusoma maelezo ya kina kuhusu majukumu ya kazi na taratibu nyingine, pakua nakala ya tangazo hapa chini: